Попладнево започнува редовниот дводневен јунски состанок на шефовите на држави и влади на Европската Унија. На дневен ред, пред сѐ, миграциските предизвици на Унијата, за кои малкумина очекуваат дека лидерите ќе успеат да изнајдат убедливо европско решение.
Централната банка на Чешка неочекувано ја зголеми основната каматна стапка за четвртина од процентуалните поени на еден отсто, во обид да ја спречи инфлацијата.
Дваесет и девет годишен маж со нож нападнал три момчиња и една жена во близина на училиште во Шангај, при што две деца се убиени, соопшти локалната полиција.
Најмалку 15 луѓе загинаа меѓу кои и четири деца, и 70 се повредени во пожар во голем маркет во Најроби, соопштија полицијата.
Велика Британија стравува дека американскиот претседател Доналд Трамп ќе го поткопа НАТО, со тоа што ќе се вклучи „мирен договор" со рускиот претседател Владимир Путин, кога двајцата ќе се сретнат идниот месец објави Тајмс.
Над 10.000 деца биле убиени или осакатени во вооружени конфликти ширум светот минатата година, други биле принудени да станат борци или се уапсени при напади врз училишта и болници, покажуваат податоците на ОН.
Грчкиот премиер Алексис Ципрас е подготвен да склучи договор со германската канцеларка Ангела Меркел, да се направи полесно Германија да враќа кандидати за азил во други европски држави.
Американскиот претседател Доналд Трамп ќе се состане со италијанскиот премиер Џузепе Конте во Белата куќа на 30 јули, соопшти Белата куќа, а главна тема на разговорите најверојатно ќе биде трговските спорови меѓу САД и ЕУ.
Министерството за внатрешна безбедност на САД, бара на територија на воена база да бидат подготвени места за сместување 12.000 илегални имигранти со нивните семејства, вклучувајќи и деца, приведени во момент на нелегално преминување на јужната граница на државата.
Високиот комесаријат на ОН за бегалци и Меѓународната организација за миграции (МОМ) ја повикаа Европската унија да најде заедничко решение и нов пристап за мигранската криза во Средоземното Море.
