„Макпетрол“ АД Скопје од ноќеска на полноќ за еден денар ќе ги намали малопродажните цени на бензините, цената на дизел горивото ќе поскапи за половина денар, а на екстра лесното масло за домаќинство за два денара по литар.
Бројот на туристите во март 2019 година, во однос на март 2018 година, е зголемен за 1.8 отсто, а бројот на ноќевањата за 3.8 отсто, покажуваат податоците на Државниот завод за статистика.
Има подобрување во реализацијата на капиталните инвестиции, ги следиме приходната и расходната страна на Буџетот и кога ќе утврдиме дека е потребно да се прават корекции тоа ќе го соопштиме, рече министерот за финансии Драган Тевдовски, во одговор на новинарско прашање за реализацијата на капиталните инвестиции и евентуален ребаланс на буџетот по неодамнешната изјава на Зоран Заев.
Кога зборуваме за успешни македонски старт-ап приказни во топ 3 секогаш го вбројуваме Grouper.mk, кој прерасна во препознатлив и влијателен бренд на мекедонскиот пазар и водечка компанија за е-трговија која ја промени оваа индустрија во земјава.
Министерот за финансии Драган Тевдовски во коментар на најавите за промени на функционери од централната и локалната власт истакнува дека е задоволен од промените и реформите што се направени во Министерството и органите во негов состав, на кои, како што вели, се целосно посветени.
Автопатот Штип-Миладиновци ќе биде пуштен за 10 до 15 дена најави директорот на Јавното претпријатие за државни патишта, Зоран Китанов, кој денеска заедно со министерот за транспорт и врски Горан Сугарески извршија увид во реконструкцијата на регионалниот пат Пробиштип-Злетово.
Почна реконструкцијата на регионалиот пат Пробиштип-Злетово. Министерот за транспорт и врски, Горан Сугарески по денешниот увид во градежните работи на оваа делница најави дека во вториот квартал очекува сериозно интензивирање на изградбата на над 30 експресни и регионални патишта.
Граѓаните и фирмите од денеска на порталот privatizacija.finance.gov.mk ќе можат да се информираат до каде е нивниот предмет за приватизација во Управата за имотно правни работи (УИПР). Денеска министерот за финансии Драган Тевдовски и директорката на УИПР Шасине Касами ја презентираа платформата.
Стефановски очекува дека во наредниот месец, најкасно до 15 јуни, тендерската документација да биде објавена, а во меѓувреме, како што информира, овие општини ја припремаат целокупната техничка документација и спецификација што ќе биде основ, ќе подлежи на ревизии и ЕСКО компаниите ќе можат да излезат со свои понуди према јавниот сектор.
Млади иноватори и претприемачи од 12 земји од Источна Европа и Балканот од денеска учествуваа на тренингот за наука и технологија преку GIST (Global Innovation through Science and Technology) програмата во Скопје, во организација на Американскиот Стејт департмент во соработка со VentureWell и локалниот партнер Startup Macedonia.
