Македонија со хотелски и угостителски капацитети се претстави на деловниот саем специјализиран за конгресен, зимски и спа туризам на Југоисточна Европа во Белград WESTM-Туристичка призма.
Малопродажните цени на бензинот ЕУРОСУПЕР БС-95, на дизелот ЕУРОДИЗЕЛ (Д-Е V) и на Екстра лесното масло за домаќинство (ЕЛ-1), од вечер на полноќ се намалуваат за 0,50 денари по литар, одлучи денеска Регулатрната комисија за енергетика.
Гувернерот на Народната банка на РМ Димитар Богов, кој исто така присуствува на Годишните средби во Вашингтон во интервју за Гласот на Америка оцени дека политичка стабилизација и добри економски политики може да ја вратат Македонија на солиден тренд на раст.
Туристичките потенцијали на Македонија се претставени на меѓународната туристичка и бизнис манифестација TTG-Incontri која се одржува во Римини, Италија.
Извршниот директор на Сојузот на стопански комори на Македонија (ССК) Александар Зарков и официјалниот претставник на Стопанската комора за претприемачи на мали и средни претпријатија од Украина Олександр Урбановиќ потпишаа Меморандум за соработка.
Гледано по сектори, прометот во индустријата во секторот Рударство и вадење камен во август 2017 година, во однос на август 2016 година, бележи пораст од 15,3%, а во секторот Преработувачка индустрија од 4,2%.
Eкономската состојба на деловните субјекти во третото тримесечје од 2017 година е поповолна во однос на претходното тримесечје, како и во однос на третиот квартал од 2016 година. Се очекува дека ќе биде поповолна во наредните две тримесечја.
Претседателот на Владата на Република Македонија, Зоран Заев, ќе учествува на регионалниот настан „Самит 100 – Бизнис лидерите на Југоисточна Европа“, што од 16 до 17 октомври, ќе се одржи во Скопје.
Над 90 илјади странски туристи ја посетиле Македонија во текот на август годинава. Најбројни, 21.093 биле од Турција, потоа 5.926 од Полска, 4.316 од Романија, 3.739 од Грција, 3470 од Бугарија и 3.257 од Германија.
Комитетот за оперативна монетарна политика на Народната банка на РМ одлучи денеска на аукција да понуди благајнички записи во износ од 25.000 милиони денари, на ниво на достасувањето од септемвриската аукција, по каматна стапка од 3,25 проценти.
