Владата попладнево ќе ја одржи својата седумнаесетта седница, со почеток во 15 часот, информираат оттаму. На седницата ќе се разгледа ребалансот на буџетот за кој заврши комисиската расправа.
„Алкалоид АД“ Скопје оствари позитивни финансиски резултати во периодот јануари – јуни 2017 година, покажуваат неревидираниот единечен и неревидираниот консолидиран Биланс на успех.
Според премиерот, државата од ДДВ годишно инкасира речиси една милијарда евра, а може и повеќе од 1,2 милијарди. Неплатени по основ на ДДВ се 300 милиони евра.
Народната банка на РМ на денешната седница на Советот констатира дека во второто тримесечје постојаната монетарна поставеност е соодветна, а ризиците во поглед на макроекономските проекции се слични како и во априлскиот циклус, но помали.
На заедничката средба Заев и владиниот економски тим, Комората побара и формирање посебна комисија за поплавените подрачја во Ченто.
Посетата на фабриката е реализирана вчера, а од страна на менаџментот министерот Шапуриќ бил информиран за работењето и производствениот процес, како и за инвестициите што компанијата ги реализирала во Србија и Бугарија.
Владиниот економски тим предводен од премиерот Зоран Заев денеска ќе има средба со членови на Стопанската комора на Северозападна Македонија (СКСЗМ).
Македонија и Бугарија ќе ја продлабочат соработката во енергетиката преку разгледување на можноста за изградба на ново интерконективно гасно поврзување меѓу гасните системи на двете земји.
Владата на Република Македонија доцна синоќа на седница ја разгледа и усвои Информација за невремето од 20 јули 2017 година како и за причинетите штети на земјоделски култури во ресенскиот и тетовскиот регион.
Договорите на сите инвеститори кои користат државни субвенции ќе бидат испочитувани од страна на Владата во потполност, најави денеска вицепремиерот за економски прашања Кочо Анѓушев по средбата со странските инвеститори кои користат државни субвенции.
