ФБ во борба со лажните вести и за изборите во Британија

Компанијата Фејсбук соопшти дека од социјалните мрежи ќе отстрани повеќе од десетина илјади налози од Велика Британија во рамките на борбата против лажни вести пред парламентарните избори, што ќе се одржат на осми јуни.

Фејсбук исто така преку огласи во британските дневни весници ги советува читателите на кој начин да препознаат лажни содржини.

– Читателите треба да бидат скептични кога се во прашање насловите и да обрнат внимание на униформниот ресурсен локатор односо УРЛ, наведуваат од Фејсбук.

Компанијата истакнува и дека унапредена платформата за поефикасно откривање на налози кои пласираат лажни вести.

– Платформата ќе доведе до коренот на проблемот. Фејсбук ќе соработува и со другите организации за проверка и анализи на содржините пред избори. Фејсбук прави се што може во борбата против лажните вести, изјави директорот на Фејсбук во Велика Британија, Сајмон Милнер.