Европол: WannaCry зафати над 200.000 фирми и поединци

Од сајбер нападот нападот што почна во петокот погодени се над 200.000 фирми и поединци во 150 држави, изјави шефот на Европол Роб Вајнврајт.

Во изјава за Ај-Ти-Ви тој рече дека светот се соочува со интензивен напад и постои загриженост за исклучително високо ниво на можни напади в понеделник.

Најпогодени се Русија и Велика Британија.

Експерти за сајбер безбедност укажуваат дека следен напад е можен многу скоро и би бил – незапирлив.

– Се соочуваме со закана што ескалира и станува се поголема. Секоја година имаме по околу 200 глобални операции против сајбер криминал, но вакво досега не е видено..Според најновите податоци погодени се над 200.000 фирми и поединци во 150 држави- нагласи Вајнврајт и додаде дека досега има само „мал број“ случаи кога на напаѓачите им било исплатено за откуп.

Кинески медиуми јавуваат дека глобалниот сајбер напад погодил и многу мрежи на универзитети во Кина. Медиуми во Пекинг јавуваат дека студенти ширум државата пријавиле дека нивните компјутери се погодени од вирусот поради кој им е ограничен пристапот до материјали за учење.

Во секој поединечен случај на мониторот се појавува барање за исплата на 2.000 кинески јуани (300 долари) за да им бидат ослободени фајлови од компјутерот.