ИД презеде одговорност за нападот во Манчестер

Џихадистичката група Исламска држава (ИД) ја презеде одговорноста за синоќешниот самоубиствен напад за време на концертот на американската пејачка Аријана Гранде во Манчестер, во кој загинаа 22 лица, а десетици се повредени.

Според соопштението на ИД, нападот е извршен со експлозивна направа поставена во салата каде што се одржувал концертот.

– Еден од војниците на Калифатот беше во можност да ја постави експлозивната направа на собирот на крстоносците во градот Манчестер, се наведува во соопштението на џихадистичката група.