Биткоинот достигна вредност од скоро 3.000 долари

Биткоинот денеска достигна вредност од речиси 3.000 долари по коин, што е досега рекордна цифра за најпопуларната криптовалута.

Според податоци на CoinDesk Bitcoin Price индекс, еден биткоин денеска вреди 2.911 долари со што е надмината досега највисоката вредност од 2.791 долар што биткоин ја имаше на 25 мај.

Криптовалутата подоцна имаше пад – на 1 јуни изнесуваше околу 2.300 долари, а потоа нагло се зголеми достигнувајќи ја денешната бројка за само два дена.