ВМРО-ДПМНЕ: СДС ја гледа државата како приватна партиска сопственост

Интегрален текст од прес конференција, Дарко Костовски

Ова што го видовме е ни помалку, ни повеќе пратеник на Социјал демократскиот сојуз.

Ова што го видовме е скандал и газење на сите закони на Република Македонија.

Доколку постоеше било каква дилема околу начинот на кој што СДС сака да владее сега веќе нема.

СДС ја гледа државата како приватна партиска сопственост во која што нивната членска книшка ќе ја има тежината на втора лична карта.

Политиката што ја промовира пратеникот на СДС е газење на сите институции.

Срамно и недозволиво е во болниците да се даваат привилегии на тие што имаат членски книшки на СДС наместо на пациентите кои навистина имаат најголема потреба од медицинска грижа.

Срамно и недозволиво е Министрството за труд и социјална политика да им дава предност на оние кои имаат членски книшки на СДС наместо на граѓаните кои имаат најголема потреба од социјална помош.

Срамно и недозволиво е некој да се толерира да прави сообраќајни прекршоци или да вози нерегистриран автомобил само заради тоа што има партиска книшка на СДС, а сите останати да мора да плаќаат казни.

Ова е најеклатантно дискриминирање на граѓаните по политичка линија. Едни кои имаат членски книшки на СДС и за кои не важат законите и сите останати кои немаат членски книшки на СДС и кои ќе бидат санкционирани доколку не ги почитуваат законите.

Ова е најеклатантен пример за лицемерието и антиреформските политики на СДС. Во предизборната кампања Заев ветуваше еднаквост меѓу граѓаните, а после изборите најбрутално ја партизира државата.

ВМРО-ДПМНЕ ги повикува сите меѓународни претставници да реагираат и да ги осудат ваквите политики кои се спроведуваат од пратеници на СДС. ВМРО ДПМНЕ ги повикува сите професионалци во институциите да не подлегнуваат на политичките притисоци од страна на пратениците и функционерите на СДС и да не се впуштаат во кривични дела да даваат привилегии ги оние кои имаат членски книшки на Бихаќка.