Таравари наместо со демагогија нека се фати со работа да решава проблеми

Арбен Таравари наместо да се занимава со демагогија и да пласира трули тези, подобро е нешто да сработи. Помина скоро еден месец откако е министер, а само демагогии слушаме од него.

Ако беше работата за филизоф министер, веројатно Ферид Мухиќ ќе беше подобар. Конкретно за неговиот став дека лекарите заминувале бидејќи здравството во Македонија било партизирано, сакаме да го прашаме Таравари дали може да објасни зошто лекарите од Словенија, Хрватска, Полска, Чешка, Бугарија, Унгарија и другите, исто и од неевропски земји, масовно заминуваат во западна Европа, а во прв ред во Германија и Швајцарија.

И второ прашање, дали може да ни објасни зошто лекарите од Германија, Франција, Италија и други западноевроспки земји масовно заминуваат во САД?

Дали во цела Европа е партизирано здравството, или Таравари можеби го бивало да напише некој медицински труд, ама како министер е изгубен во просторот и времето?

И последно прашање за Таравари: Што ќе одговори за една година откако тој е министер кога ќе му приложиме колку лекари заминале и кога ќе види дека со демагогија и бистрење политика не се решаваат проблемите на лекарите и здравството.