Дани Алвес во ПСЖ до 2019 - та година

Откако се раздели со Јувентус, репрезентативецот на Бразил реши кариерата да ја продолжи во Франција.

Триесет и тригодишниот Дани Алвес по разделбата со Јувентус, потпиша двегодишен договор со ПСЖ, според кого ќе заработува 14 милиони евра по сезона. Го избра дресот со број 32.

„Ова е трета година како моето име се поврзува со ПСЖ. Изгледа е трета среќа. Претседателот на ПСЖ е многу убедлив човек. Му благодарам и на Максвел што ме убеди да дојдам. Работата која ја работи клубот во последните години е многу охрабрувачка“, изјави Алвес.

,Тој додаде дека целите се јасни.

„Целта е да се освои Лигата на шампионите! Сакам да победувам, да создавам историја. Млад сум со духот и сè додека е така, ќе продолжам да се борам“, додаде Алвес.

Дани е мала ризница на трофеи. Три пати ја освои Лигата на шампионите, шест пати Ла Лига, еднаш Серија А, два трофеи на УЕФА купот, двапати Купот на Италија и пет пати Купот на Шпанија.