Тврдокорните со писмо од Иванов бараат аболиција на обвинетите

Тврдокорните, кои беа организатори на крвавиот упад во Собранието на Македонија на 27 април, испратија официјално писмено барање до претседателот Ѓорѓе Иванов во кое бараат аболиција на сите што се приведени и обвинети при нападот на пратениците.

Во писмото тие тврдат дека упадот во Собранието бил „за да се одбрани честа и достоинството на државата“ откако внатре се пеела незаконска химна и на незаконски начин бил избран претседател на Собранието.

Главен аргумент на Тврдокорните е дека досега во Македонија имало политички амнестии, при што ги споменуваат амнестијата за водачите на ОНА и амнестијата за обвинетите високи функционери од Специјалното јавно обвинителство, иако таа потоа беше повлечена.

Писмото до Иванов е формализирање на барањето што тие со месеци јавно го упатуваа на шефот на државата.