Пратеничката група на ВМРО-ДПМНЕ ќе бара од Антикорупциска толкување на изборниот законик

Пратениците на ВМРО-ДПМНЕ и Коалицијата „За подобра Македонија“ денеска до Државната комисија за спречување на корупција поднесоа барање за мислење по однос на примената на член 8-а став 1 алинеја 4 од Изборниот законик.

– Собраниската седница на која се расправа за разрешувањето на Јавниот обвинител започната на 5 јули 2017 година е се уште во тек, тоа е во спротивност со член 8-а став 1 алинеја 4 од Изборниот законик според кој од денот на донесувањето на одлуката за распишување избори за градоначалник или членови на советот, односно до конституирање на советот на општините и градот Скопје, не може да се започне со постапка за вработување нови лица или постапки за престанок на работен однос во државни и јавни институиции, а воедно започнатите постапки се ставаат во мирување освен во случај на итни и неодложни работи, соопшти пратеничката група на ВМРО-ДПМНЕ.

Пратениците од опозициската партија во известувањето посочуваат дека очекуваат Антикорупциската комисија во најбрзо време да се произнесе за нивното барање.