Билансот на жртви се искачи над 10, повеќе од 30 повредени во нападот во Барселона (Видео)

Најмалку тринаесет лица загинале, а 32 се повредени, од кои 10 сериозно откако комбе удри во група пешаци на улица во близина на плоштадот „Каталуња“ во центарот на Барселона, јавуваат светските медиуми.

Шпанската полиција потврдила дека инцидентот го третира како терористички напад.

Властите апелирале граѓаните да го избегнуваат тој дел од градот и да не ги напуштаат своите домови, а побарано е и затворање на трамвајските и на метро-страниците.

По нападот луѓето на плоштадот „Каталуња“, почнале да се засолнуваат во околните продавници и кафулиња.

Полицијата сè уште трага по возачот на комбето, кој побегнал откако удрил во групата луѓе на улицата Ла Рамбла.

Инаку, улицата Ла Рамбла и плоштадот „Каталуња“ се меѓу најпопуларните места во Барселона, кои дневно ги посетуваат илјадници турсти.

Шпанскиот премиер Мариано Рахој изјавил дека е во контакт со властите во Барселона и дека во моментов најважно е згрижувањето на повредените.

Американскиот државен секретар Рекс Тилерсон изјавил дека САД се подготвени да и помогнат на Шпанија.

„Заедно со сојузниците, САД се одлучи да ги пронајдат терористите и да ги изведат пред лицето на правдата“, изјавил Тилерсон.