Евробаскет: Фаворитите доминантни на денешните натпревари

Првите три натпревари од денешната програма на Европското кошаркарско првенство за мажи, завршија со победи на фаворитите.

Во Хелсинки каде се играат средбите од А групата селекцијата на Полска убедливо со 30 поени разлика го совлада Исланд 91-61.

Во рамките на Ц групата, чиј домаќин е романскиот град Клуж, репрезентацијата на Црна Гора со 24 поени разлика беше подобра од Унгарија (72-48), а ништо подобро не минаа ниту кошаркарите на Белгија кои во дуелот против Летонија, кој се одигра во Истанбул во рамките од Д групата, загубија со 92-64.

Во тек се три средби, Грција – Франција, Грузија – Германија и Русија – Србија, а подоцна попладнево и вечерва ќе се играат натпреварите Финска – Словенија (А група), Украина – Италија, Израел – Литванија )Б група), Чешка – Шпанија, Хрватска – Романија (Ц група) и Велика Британија – Турција (Д група).