Пјонгјанг: Успешно лансиравме нуклеарна ракета

Северна Кореја соопшти дека направила успешен тест со хидрогенска бомба. Соопштението денеска го објави централната телевизија на државата.

Во него се наведува дека хидрогенското полнење со кое бил извршен денешниот тест, може да биде поставено на интерконтинентална балистичка ракета.

Неколку часа по шестиот севернокорејски нуклеарен тест, властите соопштија преку националната телевизија дека „тест со хидрогенска бомба бил извршен целосно успешно“. Северна Кореја неодамна испука балистичка ракета од среден дострел што ја прелета Јапонија и падна во Тихиот Океан.