Мун: Севернокорејската криза да се реши на разумен начин

Претседателот на Јужна Кореја, Мун Џае-ин денеска апелираше за решавање на севернокорејската криза на разумен начин, со цел да се сочува мирот.

Мун во својот говор пред Генералното собрание на Обединети нации посочи дека санкциите треба да го доведат Пјонгјанг на преговарачка маса и да го натераат да се откаже од нуклеарното оружје.

- Сите држави мора стриктно да се придржуваат до санкциите на ОН кон Северна Кореја и да усвојат поригорозни мерки поради последните провокации од Пјонгјанг, наведе Мун.

Претходно, американскиот претседател Доналд Трамп најави дека САД ќе воведат дополнителни санкции кон Северна Кореја.