Три дена молк за скандалот во кој Рашковски се само назначи во Телеком

Владата ги потценува граѓаните. Три дена молк за скандалот во кој Рашковски се само назначи за владин претставник во собранието на акционери на Телеком за хонорар од 500 евра по седница.

Тоа е спротивно на законот за спречување на судир на интереси. Практично Рашковски си го потпишал своето именување на позицијата владин претставник а истовремено е и носител на јавна функција. Мала му била платата од над 1.000 евра па сега ќе зема и дополнителни 500 евра по седница.

Дополнително скандалозно е што за именувањето владата и министерството за продавање на магла на Роберт Попоски кое ни помалку ни повеќе вработи 40-сетина нови луѓе, партиски функционери и шарени платеници, се обиде да го сокрие скандалот. Имено на 4-ти август во соопштението за владината седница нема ниту збор за скандалозната одлука каде Рашковски се само назначи за владин претставник во македонски Телеком. Значи скандалот е уште поголем, владата и Попоски се обиделе да го прикријат само назначувањето на Рашковски за владин повереник во Телеком за хонорар од 500 евра по одржана седница.

Овде законот е јасен а и моралните дилеми треба да се расчистат. Или Рашковски ќе биде Генерален секретар или нека си поднесе оставка од таа позиција и нека продолжи да биде владин претставник во собранието на акционери во Телеком каде ќе добива хонорар од цели 500 евра по одржана седница.

Ова е уште еден случај каде се докажува корумпираноста и криминогеноста на владата на СДС и Зоран Заев.