Тевдовски и Рашковски да дадат одговор за што се дадени еден милион евра на невладини организации

Министерот за финансии Тевдовски и Генералниот секретар на владата, Драги Рашковски треба да се произнесат и да дадат одговор за која намена се дадени еден милион евра на невладини организации во предизборен период.

Веќе осми ден како го поставуваме ова прашање, а од друга страна наидуваме на молк. Јавноста треба да биде запознаена каде и за што се трошат парите на граѓаните.

Ваквото работење на министерот и Генералниот секретар отвора сомнеж дека во предизборниот период се врши поткуп на гласачи.

Можно е, инжинерингот кој беше спроведен на минатите парламентарни избори, сега да се спроведе повторно и на локалните избори.

Невладините организации, кои до пред четири месеци беа најгласните поборници за граѓански права и слободи, сега ги нема да одржат ниту прес, ниту да дадат изјава за крвавите избори кои ги спроведува СДС.

Нереагирањето на разните активисти за човекови права за крвавите избори кои ги спроведува Заев го открива нивното вистинско лице и нивниот партиски ангажман.

Сакаме да им порачаме на Заев, Тевдовски и Рашковски, дека граѓаните нема да дозволат нивните пари да бидат трошени во партиски цели и за поткуп на гласови со кои се погазува волјата на граѓаните. За сите незаконски дејствија овие личности ќе бидат казнети од граѓаните на 15-ти октомври, а потоа сите ќе сносат одговорност пред институциите на државата.