Сообраќајот околу кривичен суд ќе биде пренасочуван поради рочиште за „Дива населба„

Поради одржување на судското рочиште за „Дива населба“ утре сообраќајот околу зградата на Основниот суд Скопје повремено ќе биде пренасочен, соопшти МВР.

- Утре на подрачјето на Секторот за внатрешни работи Скопје ќе се одржи судско рочиште за настаните поврзани со „Дива населба“. Од тие причини сообраќајот на сообраќајниците по кои ќе се спроведуваат обвинетите и сообраќајниците околу зградата на Основниот суд Скопје, повремено ќе биде пренасочен за сите учесници во сообраќајот, се вели во соопштението на Министерството за внатрешни работи.