ММФ: Економскиот раст на Македонија годинава 1,9 отсто, догодина 3,2

Меѓународниот монетарен фонд ја ревидира прогнозата за економскиот раст на Македонија за годинава од 3,2 на 1,9 отсто.

За следната година ММФ предвидува раст на македонскиот БДП од 3,2, а во 2019 година од 3,4 проценти.

ММФ во регионалниот економски извештај објавен денеска, наведува дека инфлацијата во Македонија годинава ќе биде 0,3 отсто, наредната 2,6, а во 2019 година 1,9 отсто.

Буџетскиот дефицит, според ММФ, годинава ќе биде 2,3 отсто од БДП, догодина 2,5, а во 2019 година ќе биде 2,8 отсто.

ММФ, исто така, предвидува натамошно намалување на стапката на невработеност од годинашните 23,4 проценти на 23,2 следната година и 23 проценти во 2019 година.