Убиецот е на слобода и после тринаесетиот ден од свирепото убиство на Мартин Јанушев
Република Македонија стана школски пример дека мафијата си има своја држава.
Поминува тринаесеттиот ден од свирепото убиство на Мартин Јанушев, а власта го крие и штити убиецот. Убиецот е на слобода, а неговото име не смее да се изговори во јавноста.
Откако СДС е на власт мафијата владее. Скопје стана арена на мафијашки пресметки каде единствено важи законот на оружјето. Граѓаните се соочуваат со рекет, владее криминалното подземје, се убиваат млади луѓе, а Оливер Спасовски ништо не превзема во врска со тоа.
Спасовски молчи и бега од одговорност. Спасовски со ова намерно одолговлекување на истрагата станува директен учесник во сите криминални дејствија.
Криминално мафијашката тајфа која што е на власт на чело со Зоран Заев ја узурпираа државата и ги држи под контрола институциите. СДС и Оливер Спасовски станаа пример како мафијата се инфилтрира во полицијата.
Граѓаните со право се плашат за својата безбедноста и безбедноста на своите деца. МВР наместо да ги штити интересите на граѓаните, штити убијци и дозволува слободно да се шетаат по улиците. Според гласините кои кружат во медиумите убиецот е близок до власта и еден од првите луѓе на агенцијата за обезбедување „Омерта секјурити“ која важи за блиска до Вице Заев, брат на Зоран Заев.
Владата на СДС и Зоран Заев на граѓаните им донесоа само мрачни сценарија. Со оваа власт нормалното стана ненормално, а ненормалното многу нормално.
Нема да дозволиме политичка мафија СДС, целосно да го легализира насилството, криминалот, рекетот и убиствата во Македонија и бараме од Оливер Спасовски ако има барем грам морал и доблест во себе, веднаш да си поднесе оставка и да ја препушти функцијата на некој што не би бил во коалиција со криминалот.
