Меркел ќе решава меѓу малцинска Влада или нови избори

Канцеларката Ангела Меркел синоќа изрази жалење поради неуспехот на преговорите за состав на владејачка коалиција во Германија.

Таа изјави дека денеска ќе се сретне со претседателот Франк-Валтер Штајнмаер кого ќе го информира дека не успеала да се договори за владејачка коалиција со Слободните демократи и Зелените.

Одлуката на Меркел да се сретне со шефот на државата, кој има надлежност да свика нови избори, веројатно е знак дека таа нема да се обиде да предводи малцинска влада со Зелените.