Почина озлогласениот убиец Чарлс Менсон

Еден од најозлогласените криминалци на светот, Чарлс Менсон, почина денеска во болница во Коркоран во Калифорнија на 83-годишна возраст.

Менсон беше осуден на доживотен затвор за морничавиот масакр што неговите следбеници го извршја во 1969 година во куќата на режисерот Роман Полански.

За време на нападот, во куќата биле бремената сопруга на Полански, актерката Шерон Тејт и група нејзини пријатели.

Групата на Менсон подолго време ги малтретирала Тејт и нејзините гости, за на крај да ги убијат и со нивната крв да испишат пораки на ѕидовите на куќата.