Лавров: Ќе има еден милион жртви уште првиот ден при евентуална војна со Северна Кореја

Рускиот министер за надворешни работи, Сергеј Лавров по состанокот со шефот на јапонската дипломатија, Таро Коно изјави дека било каков воен конфликт со Северна Кореја ќе земе милион жртви уште првиот ден.

– Сите водечки експерти признаваат дека военото сценарио ќе предизвика катастрофални последици. И уште првиот ден од можниот вооружен конфликт ќе има стотици илјади, ако не и повеќе од еден милион жртви, истакна Лавров.

Според него, САД делуваат како да не се задоволни тоа што Северна Кореја во последно време не лансирала никаква ракета. Тој смета дека Вашингтон презема чекори за иритирање на Пјонгјанг.