Германец возел 56 години без возачка дозвола

Германец на возраст од 74 години бил казнет откако полицијата утврдила дека тој возел автомобил без дозвола дури 56 години.

Полицијата случајно дознала за него откако се случила сообраќајка во центарот на Нехајм што ја предизвикала жена на 34 години удирајќи во возилото на човекот без дозвола.

Полицијата останала во шок кога дознала дека 74-годишниот маж нема и никогаш немал возачка дозвола. Германецот возел автомобил без положен возачки испит и дозвола дури 56 години.

Полицијата соопшти дека возачот рекол дека поднел барање за полагање возачки испит пред да замине во војска, пред скоро шест децении, но часовите за обука не ги продолжил по враќањето од војска.