Тодоров за Канал 5: Паралелниот увоз го вулгаризираат тие што сакаат да си ги полнат џебовите

Никола Тодоров, поранешниот министер за здравство, во вестите на Канал5 потенцираше дека сега паралелниот увоз го вулгаризираат истите оние на кои не им одговараше неговото воведување бидејќи претходно заработувале огромни суми на пари.

Со воведување на паралелниот увоз ние овозможивме да се разбие монополот и да се овозможи конкуренција, односно да се нудат лекови од странски земји по пониска цена. Преку 20 милиони евра се заштедија во Министерството за здравство со воведување на оваа мерка, а тоа е мерка што се применува секаде во Европската Унија, појасни Тодоров.

Тодоров потенцираше дека со паралелен увоз може да се увезе само лек кој има одобрение за ставање во промет и се наоѓа во употреба во земја членка на ЕУ, како и дека се контролира секоја серија на лек што се увезува, па дури потоа се пушта во промет.