Протест во Истанбул: Ерусалим е гордост на муслиманите

Протест против одлуката на САД за признавање на Ерусалим за главен град на Израел беше организиран денеска пред истанбулската џамија Фатих.

Како што јави турската телевизија НТВ, на демонстрациите учествуваат голем број припадници на различни невладини организации.

Демонстрантите извикуваа „Убиец Израел, сојузник САД”, „Ерусалим е гордоста на муслиманите” и носеа турски и палестински знамиња.