Воена парада во Багдад по повод победата над Исламска држава

Денеска во Багдад се одржува воена парада со која што се прославува победата над Исламска држава, соопшти портпаролот на ирачката армија.

Парадата нема да се пренесува во живо, а следува откако ирачкиот премиер Хајдер ал-Абади вчера објави конечна победа над ИД и го прогласи 10 декември за државен празник.

Ирачките сили ги ослободија последните области под контрола на Исламска држава на границата со Сирија и ја обезбедија западна пустина, рече Абади, додавајќи дека тоа значи крај на војната против екстремистите.