Милошоски: Оставката на Груевски ќе се прифати бидејќи ја најави како неотповиклива

Пред Централниот Комитет на ВМРО-ДПМНЕ вечерва на кој се одлучува за оставката на поранешниот премиер и лидер на партијата, Никола Груевски, Антонио Милошоски истакна дека оставката ќе биде прифатена бидејќи тој ја најави како неотповиклива, пренесе А1.он.

Тој најави дека денеска ќе се утврди дневниот ред на конгресот кој што е закажан на 23 декември, како и рокот за кандидатури за нов лидер.

– Кандидатурите претпоставува ќе треба да се поднесат неколку дена пред конгресот, а кандидатите ќе треба да ги исполнуваат условите согласни статутот на партијата, рече Милошоски.