По 171 година, Белгија ги прекинува телеграфските услуги

Од 29 декември, најголемиот телекомуникациски оператор во Белгија, Проксимус, ќе прекине со работата со телеграми, соопшти компанијата.

Телеграфските услуги во земјата ги имале своите почетоци пред 171 година, кога во 1846 година беше воведена првата линија меѓу Брисел и Антверпен. Од 2013 година постои посебен Закон кој го регулира овој вид сообраќај, но дотогаш испраќањето телеграми се сметаше за „услуга од општествен интерес".

Главна причина за престанувањетго со работа, е тоа што граѓаните веќе не испраќаат телеграми. Нив најчесто ги користат компаниите и општествените организации, каде што во случај на судски процес, да речеме, тие писма можат да послужат и како доказ. Денес тие се повеќе се заменуваат од електронската пошта.

Во 2015 година, Белгија ја отстрани и последната телефонска говорница од улиците во земјата. До распространувањето на мобилната телекомуникација кон крајот на минатиот век, оваа европска држава располагаше со околу 20.000 јавни телефонски говорници.