ВМРО-ДПМНЕ протестираше пред истражниот затвор во Шутка

ВМРО-ДПМНЕ вечерва одржа протест пред истражниот затвор во Шуто Оризари поради притворот на пратеници и уметници за настаните во македонското Собрание од 27 април.

На протестот се обрати лидерот во оставка Никола Груевски, кој рече дека ги поддржува лицата кои се, како што посочи, неправедно притворени заради тоа што се патриоти и изразувале патриотски чувства.

– Преку вас и преку многу други чекори, очигледно е дека се сака да се скрши и ослабне ВМРО-ДПМНЕ, а преку тоа се сака да се ослабне и духот на Македонецот и патриотскиот дух на секој еден кој ја сака Македонија таква каква што е, со целото срце и душа, рече Груевски.

Освен во Скопје попладнето протести се одржаа и во некои градови низ државата.