Директорот за кој Брисел бараше да не биде сменет, судски ќе бара да го поништи конгресот на ВМРО

Директорот на Агенцијата за пошти Влатко Атанасоски, како делегат на Конгресот на ВМРО-ДПМНЕ и долгогодишен член на партијата, до Основниот суд 1 доставил предлог за времена забрана за одржување на Вонредниот конгрес во Валандово.

Како што рече денеска, одговорајќи на новинарски прашања по јавната седница на Агенцијата, причина за ваквиот чекор е неговото право на Конгресот да ја искаже својата слободна политичка волја што во моментов не е можно зашто има, нагласи, директни закани од некои делегати, а за тоа е известено и МВР.

Инаку, во барањата од Брисел, директорот Влатко Атанасоски беше директно посочен како директор кој треба да ја задржи својата позиција и не треба да биде сменет од истата како заслуга на мерит системот (во јавноста протолкувано како заслуга за тоа што е еден од водечките членови на реформаторите во ВМРО-ДПМНЕ).