Тешка сообраќајка пред ТЦ Бисер - пешак итно пренесен на ургентен, возачот избегал

Прегазен пешак на булевар Јане Сандански пред трговскиот центар Бисер.

Маж со за сега не познат идентитет се бори за живот во ургентниот Центар каде е веднаш префрлен со возило на брзата помош, извести телевизија Сител. Според присутните на оваа страотна сообраќајка, пешакот бил удрен на пешачкиот премин кај Бисер и од силината на ударот бил префлен на другиот пешачки премин спроти Капитол Мол.

Возачот кој го прегазил пешакот веднаш избегал од местото на настанот, а според очевидци најверојатно се работи за такси возило.

Сообраќајката се случи околу 14 часот и 30 минути на еден од најфреквентните пешачки премини во Аеродром.