Непроменети цените на угостителските услуги во февруари

Цените на угостителските услуги во февруари 2018 година во споредба со јануари 2018 не бележат промени и се на исто ниво, додека во однос на февруари лани се зголемени за 1,2 отсто.

Според Државниот завод за статистика, во февруари 2018 во споредба со јануари 2018 раст на цените на услугите е евидентиран кај групата Алкохолни пијалаци за 0,1 отсто.

Кумулативниот индекс на цените на угостителските услуги за периодот јануари-февруари 2018 година во однос на истиот период минатата година е зголемен за 1,2 отсто, додека во однос на декември 2017 година е зголемен за 0,2 процента.