Трамп: Добро е Саудиска Арабија да ни даде дел од богатството

Саудиска Арабија е многу богата земја и се надевам дека дел од богатството ќе им го даде на САД во форма на работни места и купување на најдобрата воена опрема која постои во светот, изјави американскиот претседател Доналд Трамп на средба со саудискиот престолонаследник, принцот Мохамед бин Салман.

Презентирајќи им на новинарите во Овалната соба паноа со податоци и фотографии од воена опрема која САД им ја продале на Саудиска Арабија, Трамп се осврна на влијанието на таа трговија врз американската економија.

Трамп истакна дека со младиот саудиски принц се во одлични односи.

- Врските најверојатно никогаш не биле толку добри, добро се разбираме, изјави Трамп на средбата со наследникот на престолот на најголемиот извозник на нафта.