Владата на СДСМ оствари нула проценти економски раст, нула денари странски инвестиции
Доколку Владата на СДСМ продолжи со исто темпо да ја манипулира јавноста, во наредните 10 месеци државата ќе потоне уште 30-тина места на листата на Транспаренси за нивото на корупција, ќе се задолжи уште милијарда евра и ќе ја банкротира економијата.
Владата на СДСМ е најнеспособната во историјата на независна Македонија. Нула проценти економски раст, нула денари странски инвестиции, нула километри нов автопат.
Доколку сакаат каква било споредба со власта на ВМРО-ДПМНЕ од 2014 година не треба да кријат од јавноста дека тогаш во време на економска и политичка криза, ВМРО-ДПМНЕ обезбеди раст на економијата од 2.9%.
Владата на СДСМ не штеди, туку нема капацитет да реализира ниту еден проект од полза на граѓаните. Оваа власт има најниско ниво на реализација на капитални инвестиции. Вкупниот нето долг бележи зголемување за 566 милиони евра.
Овие катастрофални показатели не може да ги покрие ниту една бледа прес конференција. Ниту една бледа прес конференција за наводна транспарентност, не може да ја прикрие информацијата дека двајцата функционери за кои Заев тврдеше дека има сомненија за криминал, сеуште се заштитени.
Граѓаните директно ги чувствуваат негативните ефекти од владеењето на СДСМ и цунамито за македонската економија Заев-Анѓушев-Тевдовски.
Празни прес конференции не помагаат за да се покријат ветувањата за просечна плата од 30.000 денари и повисоки пензии.
Многу зборови, ниедно дело. 10 месеци стагнација и безнадежност.
