Мицкоски: Колку пократко трае оваа влада, толку подобро за граѓаните

– Светска банка излезе со извештај кој вели дека Македонија е единствената земја во регионот што го забавува растот за земјите од Западен Балкан. Ја наведува 2017 година со нула проценти раст и вели дека тоа се должи на политичката криза, лошите временски услови итн., но вели и дека во 2018 година Владата предвидуваше економијата да порасне од 3,2 %, но нема да порасне повеќе од 2,3%.

– Повторно имаме 1% кој Владата претходно го предвидела, но не може да го исполни поради немањето капацитет и идеи, а тој 1% претставува точно 120 милиони евра. Уште поалармантно е што нема странски инфестициии, вели лидерот на ВМРО – ДПМНЕ, Христијан Мицкоски во интервју за Призма.

– Сѐ додека Владата се однесува надмено и не ги признае резултатите од минатото, ќе бидеме убедливо заковани на дното. Веќе не се мериме со Европа туку со регионот, а и тука сме последни, истакнал Мицкоски кој додал дека нема нема никаква дилема дека што пократко трае оваа влада– тоа подобро за граѓаните.