ВМРО-ДПМНЕ да разбере дека наместените тендери завршија со нивното заминување од власт

ВМРО-ДПМНЕ партијата што остави пустош во енергетиката, неколку денови упорно се обидува да шири лажни вести коишто веднаш се демантирани.

Празни и лажни се обвинувањата на ВМРО-ДПМНЕ за наводни неправилности во тендерите на РЕК Битола. АД ЕЛЕМ јавно соопшти дека условите во тендерот се проширени за да се овозможи што поголема конкуренција, односно конкуренција само на сериозни фирми кои се способни да извршат копање јаглен во рудниците на РЕК Битола, од чиј навремен и квалитетен ископ зависи производството на електрична енергија. Истовремено, целта на проширувањето е да не се повтори случај кадешто фирма којашто го добила тендерот по три месеци да се повлече од него, бидејќи не била технички способна да го врши ископот.

Очигледно е дека ВМРО-ДПМНЕ нема капацитет да разбере дека наместените тендери, криминалот и партизирањето на државните институции завршија со нивното заминување во опозиција и затоа продолжува неосновано да обвинува. За разлика од владеењето на ВМРО-ДПМНЕ, денес сите државни инститтуции и сите државни и јавни претпријатија работат законски, одговорно и во интерес на граѓаните. ВМРО-ДПМНЕ треба да престане да шири лажни вести и празни обвинувања и наместо тоа, да се дистанцира од поразените политики на Никола Груевски и вистински да се реформира.