Мун: Јужна и Северна Кореја треба да потпишат мировен договор

Претседателот на Јужна Кореја, Мун Џае-ин денеска побара да се склучи мировен договор со Северна Кореја, со цел официјално да заврши војната помеѓу двете држави.

- Време е 65-годишното примирје да биде крунисано со мировен договор, откако ќе биде прогласен крај на војната, посочи Мунм

Тој додаде дека за да се потпише мировен договор, Северна Кореја треба да се откаже од својата нуклеарна и балистичка програма.

- Ако на самитот на Северна и Јужна Кореја, а потоа на средбите помеѓу Северна Кореја и САД се договори денуклеаризација на Полуостровот, нема да биде тешко да се нармализираат односите на Пјонгјанг со другите држави, наведе Мун.

Тој истакна дека тоа би можело да обезбеди меѓународна економска помош за Северна Кореја.

Јужнокорејски и кинески неименувани извори тврдат дека Ким Џонг-ун е согласен за денуклеаризација во замена за повлекување на американските војници од Јужна Кореја. Тогаш Сеул нема да биде под американскиот нуклеарен чадор.