Шилегов не даде одговор дали го знае добитникот на милионскиот тендер за набавка на автобуси

Соопштение до јавноста, реакција на соопштението на СДСМ кое се однесуваше на изјавата на Светлана Колариќ

Принципот на СДСМ ,,едно евро за’’...Продолжува. Матните зделки и тендерите во четири очи се главното обележје на владеењето на СДСМ како на централно така и на локално ниво. Шилегов за жал не е исклучок.

Дали Шилегов однапред го знае добитникот на милионскиот тендер за набавка на автобуси?

Очајна е фарсата со потпишаните меморандуми за пробно возење на автобусите, а сомнежот за потенцијална коруптивна зделка е огромен.

Шилегов мора да запре со замајувањето на јавноста со вакви квази проекти од кои корист можеби би имал само тој лично, мора да ги засука ракавите и да се фати за работа. Тој мора да започне со остварување на предизборните ветувања кон гласачите.

Шилегов мора да одговори и на прашањето во чија сопственост е возилото Ауди кое било оштетено, за кое МВР тврди дека е негово? Шилегов во својот анкетен лист го нема пријавено ова возило. Кој лаже, дали Шилегов или МВР? Или можеби тој се стекнал со ова луксузно возило за време на неговиот краток градоначалнички мандат?