Комбе удри во група пешаци во Торонто

Најмалку осум лица се повредени денеска, кога бело комби удри во група пешаци во Торонто, соопшти полицијата. Очевидци тврдат дека на улицата каде се случи инцидентот, една од најпрометните во Торонто, имало повеќе безживотни тела.

По настанот возачот побегнал, но подоцна полицијата го пронајде и го приведе. Засега не е познато дали станува збор за сообраќајна несреќа или планиран напад.

Инцидентот се случи во 13 часот по локално време, а полицијата побара жителите да ја избегнуваат таа област.

Канадскиот премиер џастин Трудо изјави дека тукушто дознал за инцидентот.

– Нашите мисли се со сите оние кои се засегнати. Очигледно ќе треба уште многу работи да дознаеме и многу работи да кажеме во часовите што следуваат, истакна Трудо.