Ким се вози, телохранителите трчаат покрај возилото

Севернокорејскиот лидер Ким Џонг Ун по првата средба со јужнокорејскиот колега, си замина во црна лимузина покрај која трчаа неговите телохранители.

На социјалните мрежи е објавена снимка на која се гледа како 12 телохранители во костуми трчаат покрај возилото во кое се наоѓа Ким Џонг Ун.

Ким и Мун ја завршија утринската сесија од историската средба, а за попладне е планиран нов состанок.

Ким Џонг Ун стана првиот севернокорејски лидер кој стапнал во Јужна Кореја откако полуостровот беше поделен со граѓанската војна од 1953 година