Eye Cue со прва проба на евровизиската сцена (Видео)

Македонските веровизиски претставници Eye Cue денеска ја имаа првата проба во Altice арената во Лисабон. Пробниот настап на претставниците на Македонија помина одлично за што зборуваат и позитивните критики од фановите и од странски медиуми.

Сцената беше обоена во розово и сино, а кореографијата и ритамот на „Lost and Found“ ја подигна атмосферата. Марија беше облечена во розов мини фустан со сребрени детали околу вратот, а Бојан настапи во црно-бела комбинација.

Тие ќе настапат на првата полуфинална вечер која ќе се одржи на 8-ми мај.