Мицкоски: Не сме исти со СДСМ, нашата прва цел е државата да застане на здрави нозе

Претседателот на ВМРО-ДПМНЕ во гостувањето во утринската емисија „Ја сакам Македонија“ на ТВ Сител, рече дека негова главна мотивација е дека не се сите политичари исти туку баш напротив се различни и има нова генерација на политичари која конечно треба да направи нешто за Република Македонија.

– Има една нова генерација на политичари која конечно треба да направи нешто за оваа држава за да може оваа држава да застане на здрави нозе кои што понатаму и здраво ќе газат во иднина. Во одредена мерка тоа влијае можеби фрустрирачки но истовремено паралелно делува мотивирачки за мене како политичар и за моите соработници исто така врз основа на она што го слушам како нивно повратно ехо, рече Мицкоски.

Тој потоа потенцираше дека ВМРО-ДПМНЕ ќе излезе пред граѓаните со понуда која понатака ќе се преточи во дела а успех ќе биде ако голем дел од тие нивни реални проблеми ќе се решат кога ВМРО-ДПМНЕ ќе ја формира следната влада а сите ќе бидат сведоци на тоа решавање на проблемите и повратните ефекти што ќе произлезат од тоа.