Ланецот за брза храна Сабвеј на продажба

Сабвеј, еден од најпопуларните ланци за брза храна во светот, се наоѓа пред својот најголем предизвик. Минатата година мораше да затвори дури 909 филијали во Америка, а годинава планира да затвори уште 500.

Во овие тешки моменти за компанијата, од Сабвеј заминува и Сузан Греко, главната директорка, која има 45 години стаж во фирмата.

Таа е сестра на починатиот коосновач на Сабвеј, Фред де Лук.

Сопствениците на франшизата сметаат дека заминувањето на директорката е вистинско време за да се смени начинот на работа во компанијата. Тие подолго време бараа промени во раководството.