Надал избори полуфинале на Ролан Гарос
Првиот фаворит за трофејот, шпанскиот тенисер Рафаел Надал ќе игра во полуфиналето на Грен слемот во Париз, по денешната победа во четвртфиналниот меч над Аргентинецот Диего Шварцман со 3-1.
По загубениот прв сет (4:6), Надал заигра многу подобро во продолжение на мечот и ги доби следните три сета со 6:3, 6:2 и 6:2.
Шпанецот во полуфиналето ќе игра со подобриот од дуелот Хуан Мартин дел Потро – Марин Чилиќ.
Турнирот во Париз се игра за награден фонд од 39,2 милиони евра.
