Започната изградбата на фабрика за рециклажа на стари гуми во општина Желино

Локацијата во општина Желино каде се гради фабрика за рециклажа на стари гуми денеска ја посетија премиерот Зоран Заев, министерот за животна средина и просторно планирање Садула Дураки, замeник министерот за животна средина и просторно планирање Јани Макрадули, градоначалникот на општина Желино Блерим Сејдиу и советникот за животна средина и просторно планирање Драган Јованов.

Фабриката за рециклажа на гуми, како што информираат од Министерството за животна средина и просторно планирање, ќе биде единствена од ваков вид на Балканот, а предвидено е во овој погон да се вработат околу 400 луѓе.

Бенефитот од рециклажата на гумите е производство на смеса која може се користи и за изградба на автопатишта, пешачки патеки, спортски игралишта и слично.

Објектот е со големина од 4500 метри квадратни, а е лоциран е во индустриската зона на општино Желино. Во склоп на оваа фабрика планирано е да се изградат уште две фабрики со различно производство.