ДОМ им го честита празникот Рамазан Бајрам на граѓаните од муслиманска вероисповед
15 јуни 2018
ДОМ срдечно им го честита празникот Рамазан Бајрам на сите граѓани на Република Македонија од муслиманска вероисповед, посакувајќи им добро здравје, мир и лична благосостојба.
Времето на големите верски празници е и време да се потсетиме дека добрата волја и пружената рака на пријателство се единствен пат на соживот, онака како што налага и докажува вековната традиција на живеење на овие простори. Суштинска е разликата во живеењето едни со други од живеењето едни покрај други, во атмосфера на заемна почит и уважување.
ДОМ и во оваа пригода потсетува дека тоа е можно само со отворено срце и без предрасуди, зашто тоа е единствениот пат кон среќна и просперитетна иднина на сите граѓани во Република Македонија.
Сектор за односи со јавност, ДОМ
