Стапката на самоубиства во САД зголемена за 25 проценти

Ризик факторите за самоубиствата се слични како кај масовните убиства - проблеми во врската, конфликт со партнерот, мобинг, загуба на блиско лице...

Гласот на Америка - Вашингтон

Центрите за контрола на болести и превенција откриваат дека стапката на самоубиства во САД пораснала за 25 проценти од 1999 година.

Ваквиот извештај уследи по неодамнешната смрт на модната креаторка Кејт Спејд и славниот готвач Ентони Бурдејн.

Дебора Стоун од Центрите за контрола и превенција на болести, вели дека зголемениот процент не е изненадување за научниците, бидејќи бројот на вакви случаи се зголемувал низ годините.

- Податоците укажуваат дека ситуацијата се влошува и дека навистина е потребна е превенција од самоубиства, изјави Стоун за Гласот на Америка.

Таа вели дека ризик - факторите се слични како кај убиствата и масовните пукотници - проблеми во врската, конфликт со партнерот, мобинг, загуба на блиско лице и слично.

Користењето дрога, исто така, е еден од ризик факторите. Во 2016 година во САД се регистрирани 64.000 смртни случаи поради предозирање. Иако не сите, некои од нив се регистрирани како самоубиства.

И бездомништво, отказ од работа и финансиски проблеми, се причина за здравствени проблеми.

Стоун вели дека и физичките и психичките здравствени проблеми ги прават луѓето чувствителни и ги тераат да посегнат по својот живот.

Според извештајот, половина од лицата што се самоубиле имале психички проблеми, но повеќе од половината од нив или 54 проценти немале вакви проблеми.

Џенифер Пејн, психотерапевт во болницата „Џонс Хопкинс“, вели дека иако можеби не се наведени како причина, повеќето од самоубиствата многу веројатно се резултат на психички нарушувања.

Оваа болест може да не биде дијагностицира, поради стигмата за психичките проблеми и одбивањето на луѓето да побараат помош.

Во САД, третманот за психичките проблеми е често многу скап. Сите психијатри не прифаќаат здравстевно осигурување, што го прави третманот недостапен за многумина.

И недостигот на терапевти, како и пристапот на луѓето до оружје се јавуваат како проблем, велат надлежните.

Близу 800.000 лица извршуваат самоубиства секоја година, а речиси 45.000 луѓе си го одзеле животот во САД во 2016 година.